معقل اربع
جيتك مقر الذنـب ومعقـل اربـع
معدل(ن) لرضاك اغلـى عيالـي
والله لذل النفس لك ليـن تخضـع
عشان تصبح ياهوى البال سالـي
فصل وانا البس اشبر الذنب واذرع
باشيل حكمك لو يفـوق احتمالـي
ماكنت احسب عيون مثلي بتدمـع
الين هلت دمعتـي غصـب تالـي
ولين شفت اهدابك السـود تركـع
كنها جنود وجـات تبغـا قتالـي
في ذمتي انك فـي قلبـي تربـع
يااول وآخر من سكن في خيالـي
دام المشاعر كلهـا جـات تربـع
ارم الزعل خلك حبيبـي شمالـي
اقلط تقهوى حرة الشـوق واقـدع
قم شد وارخ واعقد آخـر حبالـي
جيتك وكلي ذنـب ومعقـل اربـع
خذ بندقي في الحق واغلى عيالـي
ـــــــــــــــــــــــــــــــــــــــ
الشريف قايـــــــــــــــد
الثلاثاء أكتوبر 16, 2007 7:11 pm
